rosinha

2010-05-14T06:43:00.000-07:00

LIBERTÁ chamas nos ollos tristes nas caras do METRO
nos que xa perderon o futuro e ganan o pan con sobresalto
na gran cidade nos tesos cumes i en todo o silencio preguntando.

Vélante os xóvenes
i os que saben da morte e xuntan inseguranza e desamparo.
Cando vexo un neno penso en ti
e si oio un bruído sin nome coido que ti chegas i acude todo o sangre.

Todo bruído sin nome é un agoiro.

Uxío Novoneyra. 1930/1999

San Miguel

2010-05-06T23:55:00.000-07:00

Quedou claro, non?

Soutomaior´s Castle

2010-04-30T03:41:00.000-07:00

Cando o río medra...

2010-04-21T06:42:00.001-07:00

O MUNDO EN MINIATURA

2010-03-23T07:56:00.001-07:00

Onde comunicarse é máis complicado

2010-01-29T04:11:00.000-08:00

Quedei sen cobertura no móbil todo o tempo que estiven na comarca. Esa horrible dependencia obrigoume a chamar á miña nai dende unha cabina, dentro dun bar. Era un pequeno habitaculo feito de madeira, a modo de sauna, dentro do bar. Non foi doado. Tiven que agardar porque non había liña...

Folgoso do Courel. Novembro do 2009.

2010-01-21T05:23:00.001-08:00

A NEVE

2010-01-20T08:57:00.000-08:00

Nevou na comarca! Cando se fala de neve, pensamos en frío, en abrigarse, e no ben que se está na casiña quentiña... Pero eu tamén penso en saír a disfrutala, xa que non é moi corrente que a neve calle no Ribeiro. Só foi unha tarde, mais foi placenteira e a paisaxe tornouse diferente.

BO DOUS MIL DEZ

2009-12-30T04:22:00.000-08:00

Outro ano máis que se vai... e cada vez pasan máis rápidos!

Que teñades un feliz dous mil dez!

A gata...

2009-08-28T05:49:00.000-07:00

... xa leva un ano con nós !

O mellor café...

2009-08-28T05:47:00.000-07:00

... é o da Brasileira !

A menina do acordeón

2009-08-28T05:46:00.000-07:00

... en Melgaço.

Botas

2009-08-28T05:45:00.000-07:00

... e baldosas.

San Francisco

2009-08-28T05:44:00.000-07:00

... dende a Colmea.

Un vídeoclip

2009-08-26T07:00:00.000-07:00

Septiembre no está tan lejos. NADADORA

As persoas multiplícanse

2009-08-26T02:12:00.001-07:00

(Experimentando)

OS MARCOS: CONFLITO ETERNO...

2009-08-21T05:05:00.000-07:00

O grande Luis Davila (ao que sigo todolos dias, e vós tamén deberíades facer o mesmo: http://obichero.blogspot.com/) hoxe fixo lembrarme a miña avoa (en paz descanse, que en vida traballou moito), que tuvo unha longa etapa da sua vida dando o coñazo con que lle movían os marcos dos montes! Volveron mover o marco ai diormio! E ala estaba, tentando colocar o marco (que non se movera) no seu sitio (todo fora pra gañar uns centimetros ó perímetro do monte...)...
Cousas d@s vell@s de antes...

O rio Arenteiro // Pazos

2009-08-14T06:04:00.000-07:00

- Boas tardes
- Boas tardes
- Andades a tomar o sol?
- Si, o sol e a sombra...
- Moi ben, eu vou ver se engano a algunha por aí...
O pescador viña coa súa cana, apareceu de súpeto, entre as rochas das beiras do caudaloso Arenteiro. Andaba lixeiro, seguro que se vai camiñando cos ollos pechados, non cae. Tantos anos percorrendo ese río na procura de troitas... imaxino.
- E logo eiquí que hai? peixe?
- Troita
- Hai troita?? Ainda queda algunha?
- Ainda, pero menos. Antes había máis. No Avia hai máis. Pero agora hai xente alí... (sinala coa cabeza cara a dereita e cara atrás, cara unha zona do río (xa xuntado co Avia) onde nos soemos poñer, unha pequena praíña).
Ademáis agora non se pode andar ca miñoca... entón hai que enganalas co plástico éste...
- Ai non?
- Non ho! Está proibido. Se vén o juardarríos... multa!
- E porque esta proibido?
- Porque está proibido!
- ...
- Oiches, o ano pasado collínche eiqui unha de quilo catrocentos. Era preciosa...
- ...
- E tamén che collín unha de novecentos jramos...
- Carai...
- Bueno, vou pra baixo a ver se pican.
- Boa tarde.
- Boa tarde.

Branco e preto // vrans pasados

2009-08-13T07:07:00.001-07:00

... de río e de árbores, de auga fresca e area mollada...

Negativos vellos

2009-08-06T04:23:00.001-07:00

Fai pouco, quixen usar unha cámara, e vin que tiña un carrete pósto... Xa non é a primeira vez que me pasa, claro. Leveino a revelar a ver qué contiña, si é que tiña algo, e sí, había unhas fotos de hai polo menos 3 anos. Por iso algunhas teñen esa cor tan ... "vintage".
O gato negro que sae nunha foto (Crispín) xa morreu o ano pasado, e a mazanceira podada das fotos, tamén morreu xa hai tempo, tanto que logo puxemos outra e partiu e agora temos outra (pequeniña, claro)...
E digo eu: que présa temos sempre en ver canto antes as fotos reveladas... dése xeito non se lle dá tanta importancia... Eu dígovos que gardedes os carretes (si é que alguén os sigue usando :) ) e os reveledes de alí a un ano!!

BECHOS

2009-07-23T06:52:00.001-07:00

O marabilloso mundo dos insectos!

No país da brétema

2009-07-10T01:28:00.001-07:00

Temos a sorte de vivir nun país húmido, verde, e gris ao mesmo tempo. O país dos mil rios, das mil fontes. Outra seña da nosa identidade. Como a língua. Que, se non os coidamos entre tod@s, acabarán desaparecendo, e o único que conseguiremos con eso será que se borren estos sinais de identidade que fomos conservando ate agora a traves dos séculos, impostos e coidados con cariño polos nosos antergos.

Temos país propio, e queremos vivir nél. Temos língua própia, e queremos vivir con ela.

(Fotos tomadas no concello de Covelo, no mes de abril)

MAD 009

2009-07-01T23:56:00.000-07:00

Esta pasada fin de semán voltei pasar por Madrid, para asistir, xunto cos meus compañeiros de curre, ao MAD009, un "congreso" de deseño grafico-ilustracion-web-comunicación, onde estiveron de ponentes xente xenial como Alex Trochut, o Grupo W, Johnny Kelly e Herraiz & Soto; éstos sobre todo, porque si chegaron onde están, é gracias ó seu traballo e ó seu empeño diario en tirar pra diante a pesar das dificultades que se crucen no camiño. Aprendemos moito, e non soamente no aspecto profesional. Néste congreso vin que o público aproba o traballo ben feito, pero sobre todo, a humildade das persoas que o fan.

RAIGAME # 09

2009-06-17T02:45:00.000-07:00

Este ano non fun á mani pola língua, a pesar de que este ano a nosa presenza era fundamental. A causa pola que non fun era que xa me comprometera a ir ao Raigame, a bailar, coma o ano pasado, co grupo de baile de Ribadavia.
Non defraudou, o tempo estuvo xenial, aguantou sen chover toda a tarde, mágoa que choveu forte xusto cando estaban actuando as "estrelas" da romería, os de castro floxo (o grupo d@s nos@s mestres de baile e musica tradicional).
Pasámolo xenial bailando, a pesar da equivocación ó empezar o primeiro (eso pasou por poñernos a aturuxar antes de empezar e xa nos despistamos nós e tamén ó gaiteiro!), no xantar igual, non faltou pulpo, licor cafe, nin musica nin baile. Cos regueifeiros escachamos a rir... en fin, xenial.

Aqui deixo unha mostra do traballo que reproducen o que se facía antigamente co liño:

Porto // abril 2009

2009-06-08T01:20:00.000-07:00

Flores a encher

2009-06-02T03:13:00.000-07:00

Aí vén o maio de flores cuberto...

Maio xa se foi e deixounos moitísimas flores! bueno, as mimosas son de febreiro...

Va que alegran a vista??

POLAROIDS

2009-05-28T07:33:00.001-07:00

Éstas son algunhas (falta unha) das Polaroids (en gran formato), que teño no Estudio Arte da Rocío, e creo que van estar ate esta fin de semán, xa que logo vánse para o Aljama (pa enfrente). Todo na vila de Ribadavia.
Espero que vos gusten!

LUBITEL 120 // FEITA NA CCCP

2009-05-27T03:08:00.000-07:00

Pois éstas son as primeiras fotos que fixen coa Lubitel "Comunista". Falla algo o enfoque e tal pero bueno, funciona ben !

As fotos xa son de febreiro...

HAI QUE DEFENDE-LA LÍNGUA, QUE É A ARMA DO POBO

2009-05-15T03:45:00.000-07:00

Néste ano, ningún outro poema, escrito, carta, documento, manifesto... expresa tan ben o que sinto como éste.

A língua é a arma máis forte que tén un pobo. Sen ela, estamos desprotexid@s.

E non só hai que defendéla no día 17, senón tamén no 18, no 19, no 20... tódolos días.

EXPO DE FOTOS

2009-04-24T04:16:00.000-07:00

Pois eso, xa sabedes!

Non sei cando rematará, pero sí sei que empeza esta fin de semán.

I WENT TO LONDON. PART I

2009-04-06T01:34:00.000-07:00

Pois si, fomos a Londres. Chegamos un venres pola tarde, fomos ver o Big Ben, paseamos por Wetminster, e ceamos sushi.

O dia seguinte era sábado, dia de mercado en Portobello Road. E pola tarde, paseo pola City.

2009-03-11T01:49:00.000-07:00

O Día Internacional da Muller Traballadora celébrase o día 8 de marzo. Néste día, conmemórase a loita da muller pola súa participación, en pé de igualdade co home, na sociedade e no seu desenvolvemento íntegro como persoa. É festa nacional nalgúns países.

A idea dun día Internacional da Muller, xurdiu ao final do século XIX, en plena revolución industrial e auxe do movemento obreiro. A celebración recolle unha loita xa emprendida na antiga Grecia pos Lisístrata, quen empezou unha folga sexual contra os homes para poñer fin á guerra, e reflexada na Revolución Francesa, as parisienses que pedían "liberdade, igualdade e fraternidade", marcharon cara Versalles para esixir o sufraxio feminino. Pero non foi ata os primeiros anos do século XX cando se comenzou a proclamar, dende diferentes internacionais de esquerda, a celebración dunha xornada de loita específica para a muller e os seus dereitos.

(Se queredes ler máis: http://es.wikipedia.org/wiki/Dia_Internacional_de_la_Mujer)

Achéganse os tempos escuros

2009-03-03T03:01:00.000-08:00

Facía falta algo así para que eu volte a escribir néste blogue? talvez...

Parece que voltamos ós tempos escuros. Pero o pobo manda, e manda de carallo. Désta vez, de mans de "novos pijos españolitos afincados en las tierras gallegas porque no podemos irnos a madrid y no queremos hablar el gallego". Porque que a xente vote PP, vale. Pero que a xente vote UPyD... xa me toca os ovarios. Que carallo ven pintar UPyD á nosa terra?? E obtivo 23,500 votos, que non é broma.

Ben, moita xente, agora, láiase de que o bipartito non fixo gran cousa, etc. E que en 4 anos non se pode remendar o descosido de todolos anos do goberno fraga, que foron moitos. Cousas mal feitas houbo, pero bóas, tamen, e moitas. Que o señorito Feixón vai facer desaparecer en canto entre a mandar o primeiro de abril.
Cousas que eran soños e nunca se pensara que se levarían a cabo, como: a selección nacional de futbol (e os partidos, etc, agora volveremos a berrar as consignas de antes: "selección galega xa!"), as galescolas (un soño que se vai convertir nun autentico pesadelo: vanse convertir en garderías de "mancomunidades rogelistas". Agora que ós nenos lles falaban en galego, aprendian xogos na nosa lingua, etc... vaise voltar ao de antes) o bantegal (outro soño máis, outro proxecto que nos queren copiar paises nordicos, franza, inglaterra.. E que éstes caciques destrozarán facéndolles creer á xente que lles ían roubar as terras). O "vai de camiño" o proxecto "en saio", todo o apoio que tivo a musica e os grupos galegos (non so folk, ollo), váise ao garete. o certame "gz crea", para os novos valores de todo o eido artistico... e, talvez, o máis importante de todos: o decreto do galego. Temos dereito a vivir en galego!

podo seguir e non pararía...

feliz dousmilnove

2008-12-29T06:02:00.001-08:00

A Covelo á neve

2008-12-03T02:29:00.001-08:00

Unha imaxe vale máis que mil verbas, non? pois aí van várias imaxes!

Compostela

2008-11-17T04:32:00.000-08:00

catropaulas

2008-11-17T04:31:00.001-08:00

Lembranzas de Escocia

2008-11-14T01:12:00.001-08:00

Onte estiven escaneando uns negativos, e apareceron unhas fotos de cando fun a Escocia (en febreiro).
De Escocia lembro o vento, que me cortaba a pel da cara. Lembro as paisaxes tan parecidas ás nosas. Lembro as casas, os corvos, as árbores, as ovellas, os inmensos prados, as súas praias, as estradas, e a súa fermosa luz.

Con elas, continúo co blog (que teño algo abandoado), e empezo nova etapa, vou poñer fotos miñas dos distintos lugares polos que pasei. Espero ser constante.

2008-07-09T00:56:00.000-07:00

Uf, levo mais de dous meses sen pór nengunha nova, a verdade, tampouco houbo novas que mereceran a pena... pero ésta, sí: un primeiro campionato de futbol sala feminino que vai ter lugar en Reus (Cat) (en setembro) e na que vai participar a nosa selección, as nosas mulleres!
Esta sí que é unha representación!

Sempre 25 de abril

2008-04-25T00:36:00.001-07:00

O levantamento militar do día 25 de abril de 1974, denominado Revolución dos Caraveis (en portugués: Revolução dos Cravos), derrubou, nun só día, o réxime político que existía en Portugal dende 1926 (coñecido dende 1933 como Estado Novo) e que era o máis lonxevo de Europa, sen grande resistencia das forzas leais ó goberno, que cederon perante o movemento popular, que rapidamente apoiaron ós militares. Este levantamento é coñecido por 25 de Abril ou Revolución dos caraveis. O levantamento foi conducido polos oficiais intermedios da xerarquía militar (o MFA), na súa maior parte capitáns que tiñan participado na Guerra Colonial. Considérase, en termos xerais, que esta revolución devolveu a liberdade ó pobo portugués (denominándose "Día da Liberdade" ó día conmemorativo instituído en Portugal para recordar a revolución). A revolución debe o seu nome á reacción popular, que repartiu caraveis ós soldados e estes os puxeron nos canóns das súas armas, simbolizando o seu apoio á revolución.

(tirado da wikipedia-galipedia)

Dia mundial da Loita Campesiña

2008-04-17T00:28:00.001-07:00

O 17 de abril foi declarado Día Internacional da Loita Campesiña durante a Segunda Conferencia da Vía Campesiña en Tlaxcala, México, en recordo do masacre de 19 campesiños sen terra do Movemento de Traballadores Rurales Sen Terra (MST) en Brasil o 17 de abril de 1996.

Nos tempos que corren, deberíamos ter máis conciencia social e apoiar éste tipo de actos, e sobre todo, apoiar o sector primario, xa que é do que vivimos tod@s.

O Coto do Frade organiza unhas charlas e máis cousas o dia 18 de abril, a partir das 20:30 h, no Aljama.

O embalse de Castrelo (antes de)

2008-04-16T05:02:00.000-07:00

Hoxe lembreime da foto de Castrelo antes de construírse o embalse, busqueina en internet e aquí está.

O embalse foi construído nos anos 60, baixo mandato de Franco.

Éstas son verbas de José Posada, nun artigo titulado "O Miño , pai do viño":
"A historia máis recente de Galiza decidíuse polos quilovátios en prexuízo do viño. A presa de Castrelo anegou as mellores terras de Galiza."

As dúas marías

2008-04-14T03:03:00.000-07:00

A estatua das Dúas Marías está situada na Alameda de Compostela, e é ben coñecida por todos.
Pero tal vez non coñezamos a súa historia:
Coralia e Maruxa, as irmás Fandiño, foron dúas mulleres que en plena ditadura escandalizaban os poderes estabelecidos coa súa actitude provocadora e as súa roupa de cores. Na mente de todos ficaron como dúas tolas, pero detrás de todo iso hai unha historia de represión política na guerra e na postguerra.
Saían a pasear todos os días pola zona vella ás dúas da tarde ('as dúas en punto', así chamábanas). O xeito en que ían vestidas, con cores moi vivas, era todo un espectáculo para a época, sobre todo tratándose de dúas mulleres, e sobre todo tratándose de Compostela, que, nos anos 50 e 60 era unha cidade moi gris, en moitos sentidos, e entre a cor da pedra e que a xente ía vestida de negro e gris, de maneira moi austera, daba a impresión de ser unha cidade moi triste. Elas dúas eran a cor nese mundo gris.
A verdadeira razón de por que vestían así, ou se estaban tolas ou non, só o saben elas. Pero hai unha serie de feitos históricos que de seguro influíron.
Na familia Fandiño Ricart eran once irmáns, e cando menos tres deles eran militantes moi destacados da CNT en Galiza, tan destacados que un deles, Antonio Fandiño, chegou a ter responsabilidades moi importantes na CNT a nivel estatal durante a guerra. No 36 un dos irmán foi paseado, e outros dous fuxiron e estiveron agachados durante anos, sendo finalmente detidos e encarcerados.
A policía presionounas moito a elas dúas, para que revelasen onde se agachaban os seus irmáns. Foron torturadas pola policía, e dise que unha delas foi violada no Pedroso. Pódese entender que en parte a súa 'loucura' ou a súa actitude estraña partise de aí, ou tamén poderiamos pensar que a 'loucura' fose simplemente un disfrace que elas usaban para sobrevivir nesa situación tan dura. Había unha represión directa, e había outras formas de represión; elas eran costureiras, pero despois da guerra as familias 'ben' de Santiago deixaron de facerlles encargos, por pertencer elas á familia á que pertencían, por pertencer aos vencidos.
Despois da Guerra vivían moi mal, pero ían aguantando grazas á caridade e á axuda de moitas persoas da cidade. Pero era un tipo de caridade moi particular: porque non estaba ben visto darlles publicamente unha axuda, e porque elas non a aceptarían, entón a xente deixáballes cartos en comercios da cidade. E así deberon subsistir ate que morreron, nos anos 80.

Tirado do Vieiros de hoxe.
http://www.vieiros.com/nova/65827/as-duas-marias-unha-vida-de-resistencia-fronte-a-represion-franquista

8 de marzo dia da muller traballadora

2008-03-07T07:53:00.000-08:00

NON AOS TRANSXÉNICOS

2008-02-29T01:27:00.000-08:00

Máis ou menos tod@s sabemos de que vai isto dos alimentos transxénicos.
Pero sería bo que nos informáramos máis:

Un transxénico (Organismo Modificado Xenéticamente, OMX) é un organismo vivo que foi creado artificialmente manipulando os seus xens. A diferencia fundamental coas técnicas tradicionais de mellora xenética é que permiten franquear as barreiras entre especies para crear seres vivos que non existían na natureza.

Algúns dos perigos déstos cultivos para o medio ambiente e a agricultura son o incremento do uso de tóxicos na agricultura, a contaminación xenética, a contaminación do solo, a pérda de biodiversidade, o desenrolo de resistencias en insectos e "malas herbas" ou os efectos no desexados en outros organismos. Os efectos sobre os ecosistemas son irreversibles e imprevisibles.

Os riscos sanitarios a longo prazo dos OMX presentes na nosa alimentación ou na dos animais cuios productos consumimos, non se están avaliando correctamente e o seu alcance sigue sendo descoñecido. Novas alerxias, aparición de novos tóxicos e efectos inesperados son algúns dos riscos.

Eu sei que non tod@s podemos cultivar os nosos propios alimentos, porén, convídovos a consumir alimentos ecolóxicos e alimentos libres de OMX.
Para elo, Greenpeace vén de actualizar a súa Guia de alimentos transxénicos que podedes descargar dende a súa web:
http://www.greenpeace.org/espana/reports/gu-a-roja-y-verde

Tendes máis info aquí:
http://www.greenpeace.org/espana/campaigns/transgenicos
http://www.greenpeace.org/espana/campaigns/transgenicos/consumo/gu-a-roja-y-verde

Ah, e aqui tamen hai cousas moi interesantes e moi fáciles de levar a cabo:
"como ser verde":
http://www.colaboracongreenpeace.org/howToBeGreen.htm

Tardes de domingo

2008-02-25T07:00:00.001-08:00

Normalmente, os domingos á tarde saímos a pasear. Descubrimos a comarca ós poucos. Onte fomos por onde baixa o regato Maquiáns antes de chegar á Veronza, antes de que a N-120 lle pase por riba. É un sitio fermoso, o malo é que estaba todo mollado e non poidemos avanzar moito. Hai un conxunto de muiños en estado ruinoso, pero cubertos de musgo. Había unha grande gama de verdes, e máis ainda ó estar todo húmido.
Parece que ainda me cheira a mimosa.
Logo fomos cara abaixo, cara a N-120 , pasamos por baixo e vimos o esperpéntico edificio!
E tamén os distintos ghalpóns e nun déles, éste peculiar párking.

juantxu rodríguez

2008-02-07T06:51:00.000-08:00

Juantxu Rodríguez posúe a desgraciada honra de ser o primeiro fotógrafo español free lance que mataron nun conflicto bélico. Corría pola vida como quen está só na sua casa, sen importarlle as consecuencias, pero tiña a humildade suficiente para aprender todo sobre a existencia nun só segundo: xusto o tempo que che permiten pra morrer.

por favor leede éste artigo de Maruja Torres, que, aló polo ano 90 viu caer ó seu compañeiro de traballo.

http://www.elpais.com/articulo/reportajes/ultima/foto/Juantxu/Rodriguez/elpdomrpj/20060806elpdmgrep_4/Tes

taxis rosas só pra mulheres

2008-01-25T06:34:00.000-08:00

Hoxe vin nunha revista que hai un servizo de taxis en Londres só pra mulleres, conducidos por mulleres, e onde as mulleres se sinten mais seguras.
A min a idea gústame, e os taxis tamén!

http://www.eurotaxnet.nl/pinkladies_uk-nl.html

a cor maxenta non é libre

2008-01-24T06:25:00.001-08:00

Inauguro este blog falando dunha nova que vin onte no vieiros (www.vieiros.com), e dí que a cor maxenta está rexistrada por Deutsche Telekom nos Paises Baixos e non se pode usar ésta cor!
Entón hai un grupo de deseñadores (www.freemagenta.nl) que montaron unha plataforma pra liberar dita cor.
A min paréceme surrealista... como vas rexistrar a cor maxenta? É coma se eu rexistro agora a cor verde...

A nova en cuestión é esta: http://www.vieiros.com/nova/63744/reivindican-a-liberacion-da-cor-maxenta